Разводот на Дејвид Линлеј, грофот од Сноудон, син на принцезата Маргарет од бракот со лордот Сноудон и внук на кралицата Елизабета Втора, од Серена, грофицата од Сноудон после повеќе од 25 години брак ја растажил кралицата, пренесува „Дејли Мејл“.
Линлеј објави дека тој и неговата сопруга се разведуваат, а нивните пријатели како причина за разводот го посочуваат неговото отсуство од домот поради работни обврски. Грофот инсистира дека причината за разводот не е трето лице.
Линлеј е најпознат по својата компанија за производство на скапоцен мебел која го носи неговото име “Linley’s”. Портпаролот на парот потврди дека тие ќе се разведат:
„Парот ги замолува сите да ја почитуваат нивната приватност и приватноста на нивното семејство“.
Разводот на грофот и грофицата од Сноудон доаѓа една седмица откако најстариот внук на кралицата, Питер Филипс и неговата сопруга Отом одлучија да живеат одвоено и потоа да се разведат.
Инаку, Дејвид и Маргарет се венчаа во 1993-та година и имаат две деца – Чарлс Армстронг-Џонс и Маргарита Армстронг-Џонс.
Често нарекуван „кралскиот столар“, Линлеј пишуваше книги за производство на мебел и уредување на домот и предаваше ширум светот на таа тема. Инаку, Линлеј е почесен претседател на европските, блискоисточните, руските и индиските подружници на аукцискaта куќа “Chritie’s”.
