Дваесет и еден кинески воен авион навлезе во зоната за идентификација на авио одбраната на Тајван на денот на пристигнувањето на претседателката на Претставничкиот дом на Конгресот на САД, Ненси Пелоси соопшти Министерството за одбрана на Тајпеј.
Тензиите меѓу САД и Кина вртоглаво расте. Источната команда на Народноослободителната армија ќе изврши операции со артилериски оган со долг дострел и ракетни лансирања во морето источно од Тајван, како дел од „целните вежби“ кои започнаа вечерва како одговор на посетата на претседателката на Претставничкиот дом на САД, Ненси Пелоси во Тајпеј, гласи едно од бројните соопштенија издадени од кинеското Министерство за одбрана, овој пат потпишано од портпаролот Ву Џијан, во кое се вели дека Кина „одлучно ќе го брани националниот суверенитет и територијален интегритет и решително ќе се спротивстави на надворешното мешање и сепаратистичките обиди“ од Тајван, пренесува раињуз.
LIVE: Nancy Pelosi Visits Taiwan, China Vows “Targeted Military Actions” https://t.co/I3BC5Tx05J
— www.currentnewstv.com (@wwwcurrentnews1) August 2, 2022
„Посетата на Ненси Пелоси го нарушува суверенитетот на Кина“ и „ќе ги зголеми тензиите“ меѓу Пекинг и Вашингтон. Ова го изјави кинескиот амбасадор во САД Квин Ганг, интервјуиран од CNN, коментирајќи ја посетата на Пелоси на Тајван, чија влада се декларира како независна од Пекинг.
