Данијела Мартиновиќ уште еднаш покажа колку ужива во едноставните работи. Наместо луксузен одмор, таа одлучи да преноќи под шатор на плажа.
– Повторно во хотел со илјада ѕвездички – напиша пејачката на Инстаграм покрај фотографиите од одморот.
Веќе претходно призна колку ги сака ваквите моменти, а во друштво на нејзиниот партнер, поранешниот крим-инспектор Јосип Плавиќ, тие стануваат уште попосебни.
Данијела и Јосип се во врска повеќе од две години. Се запознале во пролетта 2022 година во полициска станица, каде што пејачката дошла да поднесе пријава поради лажни страници што го користеле нејзиното име. Тој тогаш работел како криминалистички инспектор, а нивната средба набрзо прераснала во љубов. Оттогаш, тие го делат секојдневието, а Даниела не крие колку е среќна што тој е во нејзиниот живот.
-На секоја жена би ѝ посакала да се чувствува како мене, а потоа и на секој маж, едноставно да знаеш дека си пристигнал и дека сè е во апсолутно совршен мир и некаков спокој, а потоа сè функционира само по себе – изјави пејачката претходно за IN magazin.
