Според пишувањето на странските медиуми, Меган би требало да присуствува на престижниот настан „Мет гала“, кој ќе се одржи на 4 мај, а на црвениот тепих ќе ја придружува уредникот на магазинот „Вог“, Едвард Енинфул.
Тоа ќе биде првото јавно појавување на Меган по скандалот што изби во кралското семејство и откако таа и принцот Хари станаа финансиски независни.
Изворот за Сан открил дека таа се одлучила за „гламурозен андроген“ изглед, што ќе биде тема на овогодинешната „Мет гала“.
„Мет гала јасно одредува кој е кој во шоу бизнисот. Секако дека Меган е едно од имињата на врвот на листата, а Едвард и неговиот тим се возбудени што таа ќе оди со нив. Меган сака повремено да излегува без Хари за повторно да се изгради како име во Холивуд“, додал изворот.
