Српската пејачка Марија Шерифовиќ по 13 години ги откри сите детали од своето учество на песна за Евровизија, кога со нумерата „Молитва“ ја однесе победата.
Марија во овие карантински денови ја гледаше снимката од својата победа на Евровизија во 2007 година, а на своите следбеници на Инстаграм им откри како се чувствувале непосредно пред излегувањето на сцена.
– Значи, сега шваба завршува, а јас стојам на степеници: Ми се оди до тоалет, ми се повраќа, имам температура и готова сум да паднам во несвест – раскажа Марија.
Шерифовиќ потоа продолжи да гледа и да се снима, за на своите следбеници да им го сподели секој детаљ, а се чини дека и по 13 години таа се уште е возбудена кога се сеќава на тоа.
Марија во оваа прилика го сподели и своето мислење за останатите натпреварувачи на таа Евровизија.
– Реално, 13 години подоцна можам да изјавам дека немавме никаква конкуренција, никаква – порача српската пејачка.
