Како резултат на новонастанатата ситуација со коронавирусот, покрај во странство, сега и кај нас и во другите земји од регионот се откажуваат јавни собири и музички настани. Меѓутоа, српската пејачка Марија Шерифовиќ и покрај предупредувањата продолжи со своите концерти.
– Никогаш не би го ризикувала здравјето на луѓето, но мојот концерт нека биде гласна борба и поддршка за сите луѓе кои се борат со коронавирусот. Со песна и позитивна енергија ќе се молиме за сите луѓе во светот – порача пејачката пред концертот.
Иако фановите се воодушевија од нејзиниот потег и настап, пејачката сепак по два одржани концерти во Сава центарот заврши на инфузија, а како што јавуваат српските медиуми, поради вртоглавица и исцрпеност таа побарала помош од медицински лица.
Сепак, како што открива извор за српските медиуми, пејачката по прегледите истакнала дека се чувстува добро и дека нема проблеми со здравјето.
