Поп-ѕвездата Мајли Сајрус моментално се наоѓа во самоизолација поради глобалната пандемија од коронавирусот, а во овие моменти таа се присети на нешто интересно. Всушност, во детската серија „Хана Монтана“, преку која се прослави, има многу сцени каде што главната јунакиња обрнува многу внимание на хигиената – се нервира поради прашина, се нервира бидејќи некое момче ја допрело, иде да пазари во паника… сето она што деновиве го прават луѓето ширум светот.
Пејачката на својот инстаграм-профил објави некои од тие сцени и на крајот упати порака:
„Бидете внимателни, имајте почит и сочувство спрема другите. Бидете човечни додека се спремате за самоизолација. Никому не му е потребно баш секое пакување од продавницата. Што повеќе натрупуваме, толку поскапи ќе бидат основните животни намирници и помалку достапни на другите. Ова е одличен момент да ја вежбаме самоконтролата. Тешко е да се донесат паметни одлуки во моменти на паника, но размислете два пати пред да одлучите да му подлегнете на стравот“, истакна пејачката.
