Популарната пејачка Кристина Арнаудова се огласи на социјалните мрежи лута на голем дел од медиумите. Таа вели дека е разочарана од тоа какви поткасти се пласираат во етерот и дека секој што има камера станал водител на поткаст. Како што додава, ја лути тоа што нема никаков критериум за тоа кој го води разговорот и какви прашања се поставуваат.
Според Арнаудова, тие „неписмени мочковци“ што го водат разговорот, викаат познати јавни личности за да ги деградираат.
-Пошто сега секој што има камера може да биде медиум, времето на неписмени мочковци е почнато. Сите што не можеле да станат било што, сега имаат поткаст. И тие мочковци викаат јавни личности, реализирани и успешни и им се качат како пијавици и пробуваат со бедни и неписмени прашања да создадат популарност, неважно дека ќе те деградираат, ги заболе за вас – напиша таа.
Поради оваа ера на неписменост низ голем дел од медиумите, таа вели дека не би гостувала никаде.
Празни муабети се за празни глави – стои во објавата од Арнаудова.
Кристина е македонска пејачка, музичар, изведувач, продуцент, композитор, текстописец, хуманитарец и филантроп. Таа е претседател и основач на здружението за деца во социјален ризик „Проект Среќа“.
