Откако пејачката Едита Арадиновиќ го роди своето прво дете, на социјалните мрежи ѝ пристигнаа бројни честитки, а меѓу првите што јавно ѝ се обратија беа нејзините сестри Луна и Нина Ѓогани.
Луна сподели емотивна порака во која ѝ честиташе за раѓањето на ќерката.
„Честитки до мојата сестра за раѓањето на најголемата љубов – онаа вистинската и безусловната, која никогаш нема да ти го сврти грбот. Сѐ друго веќе го знаеш. Нека Бог ве чува.“
Едита веднаш ѝ возврати:
„Те сакам, Луна моја. Сѐ знаеш.“
Набргу потоа се огласи и Нина Ѓогани.
„Мојата најубава сестричка се породи и го донесе на свет најубавиот ангел. Ќе бидеш најдобрата мајка на светот. Ве сакам многу. Честитки.“
Ниту овојпат не изостана одговорот на Едита.
„Срце мое убаво! И јас ве сакам. Нина, ти си следна.“
Пејачката утрово им се обрати и на своите следбеници, откривајќи дека поради породувањето не била активна на социјалните мрежи.
„Не ме имаше вчера затоа што се породував, но тука сум. Продолжуваме со содржините, само да застанам малку на нозе“, напиша таа низ шега.
Потоа објави и фотографија со својата ќерка и додаде:
„Зоја, 22.07.2026. Ви благодарам, добри луѓе. Ова чувство е незаменливо!“
Едита се породи во Гинеколошко-акушерската клиника „Народен фронт“ во Белград, каде на свет ја донесе ќерката Зоја. Според српските медиуми, мајката и бебето се чувствуваат добро.
