Кралицата Елизабета нема да учествува на Дербито на коњи, кое е дел од прославата на платинестиот јубилеј, туку ќе го следи на телевизија од нејзината резиденција во замокот Виндзор.
96-годишната кралица не беше присутна ни на мисата во чест на нејзиното долго владеење која се случи вчера во катедралата Свети Павле, таму ја претставуваше престолонаследникот Чарлс. На вчерашната миса дојдоа и „бунтовничките“ војводи од Сасекс, првпат во јавност во Лондон од нивното преселување во САД.
Сепак, Хари и Меган беа топло пречекани од јавноста, многу поразлично Борис Џонсон кој го исвиркаа, а кој пристигна во друштво на првата дама Кери, а потоа беше повикан во базиликата да прочита и една страница од Новиот завет.
Според извори од палатата, кралицата е добро. Војвотката од Кембриџ, Кејт, сопруга на принцот Вилијам, втора по редот за наследување на британскиот престол, објаснила на иворот дека, по парадата Trooping the Color, Елизабета Втора одлучила засега да избегнува други јавни средби и појавувања, освен настаните кои се организирани директно на теренот на замокот Виндзор каде што живее.
Оттука се очекува кралицата да присуствува утре на „големиот јубилеен ручек“. За таа прилика, долгото шеталиште кое води до замокот Виндзор ќе се користи како излетничко место. За затворање на големата забава ќе има дополнителна парада во попладневните часови, со над 10.000 луѓе, вклучувајќи волонтери, војници и изведувачи, која ќе заврши пред Бакингемската палата.
