Иако има доволно пари за да си дозволи готвач, поранешната српска тенисерка Ана Ивановиќ сака да подготвува разни јадења во кујната, а бидејќи баш се грижи за својот изглед, се труди да се храни здраво за да остане во врвна форма.
„Мача“ го подобрува метаболизмот и помага во согорувањето на калориите.
Ана неодамна позирала на скалите од една зграда во Лондон, а била целосно опуштена – облечена во сина маица и беж панталони го пиела популарниот пијалак „Мача“ (Matcha).
Инаку, Ивановиќ отсекогаш водела сметка за својот изглед, а споменатиот пијалак го подобрува метаболизмот и помага во согорувањето на калориите.
Како гласи рецептот за здравото јадење на Ана?
Познато е дека Ивановиќ се грижи за своето здравје и се труди да се храни што е можно поздраво.
Имено, убавата тенисерка неодамна сподели на својот инстаграм-профил како изгледа еден нејзин здрав оброк.
– Започнете ја годината со здрава чинија. Мојот омилен рецепт: Брокула, фалафел, аспарагус, сладок компир, хелда или кафеав ориз, црвена зелка, ‘рдокви, краставица и зелена салата како база. Додадете го вашиот омилен прелив и уживајте во оброкот – напишала Ивановиќ.
Ивановиќ е доста активна на социјалните мрежи, па нејзините обожаватели се информирани за нејзиниот начин на живот, исхрана и патувања.
