Метео прогнозерот Славчо Попоски нè известува какво време ќе имаме оваа седмица.
– За време на овој викенд, како и во текот на следната седмица, времето во Македонија ќе биде претежно стабилно, суво и сончево со мала до умерена локална облачност. Сепак, повремено ќе има услови за локална нестабилност, проследена со краткотраен пороен дожд и грмежи.
Денес ќе дува и умерен, повремено засилен ветер од северен правец. Што се однесува до температурите, тие остануваат високи и ќе се искачуваат во интервалот од 24 до 33 степени. Уште повисоки температури ќе имаме некаде од среда па натаму и тогаш максималните температури во најтоплите предели ќе надминуваат 35 степени, a Ув-индексот ќе има екстремно висока вредност, со коефицинет околу 10, па затоа граѓаните ги советуваме и понатаму да се заштитуваат од лошото влијание на сонцето и да пијат што повеќе течности – вели Попоски.
