Парот ја прекина турбулентната врска за која многу се пишуваше и зборуваше, посебно бидејќи комичарот пред младата манекенка беше во врска и со други славни дами.
Ќерката на Синди Крафорд, се попопуларната Каја Гербер (18) ја прекина романсата со комичарот Пит Дејвидсон (26) после 3 месеци забавување.
Дејвидсон во врската со младата Каја заплови токму откако ја раскина врската со актерката Кејт Бекинсејл, која ја заинтригира јавноста минатата година, бидејќи таа беше постара од него дури 20 години.
Како што нагласил изворот за странските медиуми, целата врска за ќерката на Синди Крафорд станала преоптоварување.
„Пит има сопствен начин на кој прави работи и специфични навики, а во однос со девојките се прави на многу интензивен начин. Каја има 18 години и за неа се тоа е премногу“.
Нивната врска подигна многу прашина, посебно бидејќи многу фанови ја осудија Каја, истакнувајќи дека Пит не ѝ одговара, дека е премлада за него, па го обвиниле Дејвидсон дека се дрогира, а на крај се запрашале како Синди го дозволува тоа.
Потсетуваме дека пред Каја, освен што беше во врска со Кејт Бекинсејл, претходно Пит беше верен со славната пејачка Аријана Гранде.
