Полина Ковалева е посвоена ќерка на рускиот министер за надворешни работи Сергеј Лавров и живее во Лондон, помеѓу луксуз и забава. Нејзиниот дом од 4,4 милиони фунти е купен во готово и без хипотека. Сепак, 26-годишната девојка нема никакви приходи.
Во нејзиниот милионерски стан во Кенсингтон, една од најексклузивните области во Лондон, биле познати забавите од „Илјада и една ноќ“. Биле организирани од 26 годишната русокоса убавица Полина Ковалева, ќерка на љубовницата на рускиот министер за надворешни работи Сергеј Лавров. До неодамна, луксузот Полина не го криела, објавувајќи фотографии на Инстагран од нејзините раскошни фустани, патувања, вечери во најмодерни ресторани…
Нејзиниот дом, вреден 5 милиони евра, бил купен во готово и без хипотека, но таа (како и нејзината мајка) немала никаков приход.
Но денес Полина – како и другите руските олигарси – заврши на листата на санкции воведени од владата на Борис Џонсон како одговор на инвазијата на Украина.
I would like you to meet Polina Kovaleva. Polina is a 26-year-old glamorous Russian girl from London🇬🇧. She lives in a huge apartment in Kensington and loves to party, her instagram feed looks like a non-stop holiday. That’s not unheard of, but there is one small detail…(THREAD) pic.twitter.com/6OsVGjPxQQ
— Maria Pevchikh (@pevchikh) March 10, 2022
„Официјална“ љубовница
Полина не е официјално поврзана во сродство со Лавров. Шефот на дипломатијата има прво „официјално“ семејство познато на медиумите. Иако долго време не е видена во јавноста, Марија Лаврова е негова сопруга веќе цели 50 години. Паралелниот „брак“ на Лавров со Светлана Пољакова, мајката на Полина, никогаш не бил мистерија.
Марија живее во Лондон со нејзината 26-годишна ќерка: и двете имаат колекција од автомобили и, навистина, луксузен стан. И покрај познатите односи со Лавров, за Велика Британија Светлана е самохрана и невработена жена, како и нејзината ќерка Полина.
Но, новите санкции предизвикаа промена на курсот што би влијаел и на оние „скриени“ средства што им се припишуваат на руските олигарси. Ова преку Твитер го подвлекува британската министерка за надворешни работи Лиз Трус, прецизирајќи дека на списокот сега има „повеќе од 1000 поединци и компании“ за кои се верува дека на овој или оној начин се поврзани со системот на моќ на претседателот Владимир Путин.
Полина Ковалева има диплома за маркетинг и економија и магистрирала на Империал колеџ во Лондон. Таа не е мажена, а работела за Гаспром и други гиганти поврзани со Москва. Во минатото пак, живеела во куќа во Холанд Парк, западен Лондон, во сопственост на руската амбасада.
Најмалку 60 пати патувала во авионот на Министерството за надворешни работи, некогаш со мајка си, некогаш со внуката, а со мајка ѝ поседува и луксузен стан во Москва, вреден 6-8 милиони долари, и најмалку два луксузни автомобили.
Во меѓувреме, нејзините социјални профили исчезнаа.
