Гитарата која некогаш била сопственост на легендите на „Битлси“, Џон Ленон и Џорџ Харисон, проценета е на 400.000 фунти во емисијата Antiques Roadshow на каналот BBC.
Во емисијата, Реј, сегашниот сопственик на гитарата објаснил дека гитарата му ја дал Џорџ Харисон, бидејќи наводно свирел подобро од него.
– Отсвирив неколку ноти и тој ми рече: „Да, очигледно подобро се справуваш од мене. Подобро е ти да ја имаш – раскажа Реј во емисијата.
„Ова е многу ретка гитара. За некој кој е фан на Битлси, голема чест е да поседува гитара која некогаш била сопственост на Џон Ленон и Џорџ Харисон, две од најголемите рок-ѕвезди на 20 век“, рекол Џон Банди, познавачна стари и вредни инструменти
Сопственикот вели дека не бил свесен дека гитарата чини толку многу. Тој на публиката ѝ покажал и фотографија од Џорџ со гитарата, на тој начин давајќи доказ дека таа била дел од неговата импресивна колекција.
