Социјалните мрежи од вчера се преплавени со настапот на Калина Велковска која со својот перформанс во музичкото шоу „Гласот на Бугарија“ ја натера жирикомисијата да стане и да вреска на глас.
Калина перфектно го изведе хитот на Селах Су – „This World“ и заслужено ги доби сите гласови за да оди понатаму.
Инаку, Калина ѝ е позната и на домашната публика. Под името „Кали“, таа објави досега неколку песни, а со „Ти ми зеде сè“, за која направи и видео запис, ја најави својата соло кариера.
Меѓутоа и како многу други таленти и Калина среќата си ја проба во странско музичко шоу, бидејќи кај нас со години многу како неа немаат шанса да се претстават пред публиката на ваков начин.
Погледнете го нејзиниот настап на „Гласот на Бугарија“.
