Минатата недела Македонија ја потресе веста за смртта на мејкап артистка и инфлуенсерка од Охрид, Маја Миа, односно Маја Јанеска, која почина во Африка.
Тоа што беше познато за смртта на убавата Македонка го дознававме од африканските медиуми, бидејќи Маја таму била позната не само по нејзината работа, туку и како девојка на тамошни ѕвезди, бонго ѕвездата Оми Димпоз, и комичарот од Танзанија, Идрис Султан, кој исто така ја сподели веста на неговите профили на социјалните мрежи.
Јанеска повеќе од една деценија живеела во Танзанија, имала салон за убавина, а живеела и во Јужна Африка. Последна пристигна веста дека Маја била во врска со извесен Кајл Филипс, ко-директор на компанијата за цигари „Карнилинкс“.
Вчера, на Инстаграм се огласи Владо Јаневски, простувајќи се од Маја.
View this post on Instagram
„Кој не ја познавал тој не знае како е кога убавината е однадвор и одвнатре“, напиша Јаневски.
Претпоставуваме дека сличноста во презимињата е случајна.
Во продолжение, ви носиме фотогалерија од убавата Маја, со краток текст објавен на нашиот портал во 2021 година.
