Актерот Сергеј Трифуновиќ и неговата 23 години помладата партнерка Исидора Мијановиќ се венчаа пред Бога на 12 мај годинава, во црквата Светите Апостоли Петар и Павле, а судејќи по денешните објави на Инстаграм, тие ја официјализираа својата љубов овој пат со граѓански брак.
Имено, во објавата на актерот која не е придружена со опис, можете да го видите Сергеј со насмевка на лицето и палците нагоре, во знак на одобрување, како стои до својата избраничка, која во прекрасен фустан во боја на јоргован го става својот потпис во матичната книга на венчани. Нивните пријатели и следбеници ги опсипаа со честитки и коментари.
View this post on Instagram
Во оваа прилика се огласи и неговата сопруга Исидора, која сподели видео на Инстаграм, во која Сергеј и Исидора се возат во непознат правец додека во позадина се слуша песната на Френк Синатра „Days of wine and roses“. Видеото е во црно-бел формат, а на него стои натписот „Штотуку венчани“.
