Српската поп-пејачка Марија Шерифовиќ вечерва ќе го одржи својот петти по ред концерт во Сава центар, а закажа и шести во мај, бидејќи многумина кои сакаа да ја слушнат во првата недела од март не можеа навреме да обезбедат карти бидејќи се распродадоа со молскавична брзина.
Вечерва ќе биде последниот концерт на Марија во Сината сала во низата закажани настапи, а бројни јавни личности беа во првите редови на речиси секој нејзин концерт во Белград.
Но, имаше и такви кои поради некоја причина беа спречени да дојдат, но мислеле на Марија, како што е случајот со бремената пејачка Александра Пријовиќ.
За жал, Пријовиќ се разболела и не можела да присуствува на спектаклот што го организираа Марија и нејзиниот тим, но како вистинска колешка и пријателка ѝ испратила на Марија прекрасен букет цвеќе во облик на срце, кој Шерифовиќ го покажала во еден од своите влогови на Јутјуб.
Да потсетиме, Марија во понеделникот на 10 март го одржа својот трет по ред концерт во Сината сала, а во публиката беа голем број луѓе од шоубизнисот како Цеца Ражнатовиќ, Илда Шаулиќ, Ѓорѓе Давид, Надица Адемов, Ана Севиќ…
Марија за време на својот прв концерт во Сава центар на 8 март се расплака пеејќи ја песната „Не дам ветру да те дира“ која емотивно му ја посвети на својот долгогодишен пријател и соработник Саша Поповиќ, кој почина неодамна.
Откако ја изведе песната, Марија со солзи во очите одржа искрен и трогателен говор за тоа колку ѝ значел Саша.
View this post on Instagram
