Српската водителка Јована Јеремиќ вчера приредила забава за паметење по повод 33-тиот роденден.
Водителката организирала гала забава во познат ресторан во центарот на Белград.
Декорирала сè по свој вкус, ставила сиви балони, а сè надополнила со златна змија на ѕидот. Како и обично, Јована ги шокирала присутните, како со својот декор, а ни помалку ни повеќе со интригантниот стајлинг по кој е препознатлива.
За роденденската прослава, водителката одлучила да биде цела во латекс, а на лицето имала исцртана скорпија. Како што и прилега, Јована имала и уникатна роденденска торта – лавица.
Фотографиите од роденденската забава на Јована Јеремиќ можете да ги погледнете ТУКА.
Јована во интервјуто за српски „Курир“ признала дека конечно ѝ цветаат рози во љубовниот живот, а срцето ѝ го освоил постар маж. Таа не сакала многу да открива, но признала дека нејзиниот избраник е јавна личност, бидејќи смета дека само таков нејзе ѝ одговара.
– Можеби постои, ете, првпат има некој што ми е интригантен по разводот. Имаше мажи, не велам, не сум светица. Јас сакам да водам љубов само со човекот што го сакам. Овој маж не е помлад. Се појави некој достоен за Јована Јеремиќ… Дали е јавна личност? Можеби, можеби… – искрено рекла Јована.
Јеремиќ открила и дека очекува часовник „ролекс“, но не од емотивен партнер, туку од деловен, што ги изненадило присутните.
View this post on Instagram
