37-годишниот прилепчанец Дарко Мирчески, среќно оженет и татко на две деца, со диплома од Воената академија во Скопје и вработен во Основниот суд во Прилеп како Командир на судска полиција, има необично хоби. Дарко ги изработува едни од најуникатните новогодишни и божиќни куќарки, но изработува и етно куќички и бројни други минијатурни ремек дела.
На ова хоби е посветен речиси 9 години. Целиот концепт на изработките се лично негова идеја и креација. Вели дека самата работа го подучува како треба да се создава нештото. А, најголем придонес е креативноста и трпеливоста.
(ФОТО) ОД ДРВО СОЗДАВА РЕМЕК ДЕЛА: Ви претставуваме дел од неверојатната колекција на Роберт Коцев
Кои материјали ги користите и колку време е потребно да се изработи една куќичка?
– За поголемите изработки користам комбинација од иверица, лесонит и гипс картон, а за помалите дрво, памук, камен и картон, кој наместо во отпад, преработен на овој начин, завршува и ги краси домовите на многу семејства. Времетраењето на една изработка е од три дена за помалите, па до една недела за поголемите куќички. Најмногу време одзема изработката на ситните детали, како што се клупи, столчиња, запрежни коли, снешковци, лопати, скали и друго.
Изработувате и црквички, за какви намени се користат?
– Да, покрај куќичките со новогодишни мотиви, изработувам и параклиси односно макети на црквички и макети на стари селски куќи. Дел се изработени според моја замисла, а другите макети се верни на оригиналот. Овие изработки најчесто завршуваат како украси во дворовите на семејни домови или пак, ги красат дворовите на нашите цркви.
Кој ви е најголем предизвик за следна изработка?
– Моментално работам на изработка на макета на црква, која според неофицијални податоци, датира од 5 -6 век после Христа, а кај која се останати само темелите и дел од мозаиците на подот. Замислата е, сето тоа го праработам и да го претставам како макета со напречен пресек, преку кој би се гледала целата внатрешност на црквата.
Каков е интересот на Македонците за вакви куќички и што најчесто се нарачува?
– Интересот кон моите изработки е голем. Можам да се пофалам дека од година в година има сé поголем број на заинтересирани, како од кај нас, така и од странство. Тоа најчесто се нашинци, за кои јас работам на макети на нивните огништа од каде потекнуваат.
Овие написи може да ги следите и во групата … ДВОРЧЕТО …, група во која има едно чудо разноразни убавини, и која ви ја препорачуваме да ја посетите и да си станете нејзин член!
УЖИВАЈТЕ ВО ФОТО ГАЛЕРИЈАТА:
ХУМАНО ХОБИ: Скопјанецот Кирил Јовчевски изработува бесплатни куќарки за бездомните животни
ФОТО – ПРИВАТНА АРХИВА
