Дијана Златковска работи во приватна градежна фирма како администратор, но љубовта кон цвеќињата ја има уште од детството.
За дворот и куќата, кои се наоѓаат во село Марино (општина Илинден, како што вели таа најубавата општина) се грижи самата Дијана. Всушност таа живее во овој вистински зелен рај заедно со своите три ќерки.
-Средувањето на дворот ми претставува големо задоволство – ни открива Дијана, нагласувајќи дека тоа ја исполнува.
Дворот се простира на тристотини метри квадратни. Тука, претежно доминираат розите, но секако дворот изобилува и со најразлични други цвеќиња.
– Секој ден си бара посветеност – ни вели нашата соговорничка, а потоа ни објаснува зошто ја обожава розата.
„Затоа што ја симболизира љубовта и убавина“.
Таква е и Дијана, убава и полна со љубов кон своите убавици, ќерките и цвеќињата. А пред себе има и предизвици поврзани со дворот.
– Предизвик ми е кога ќе видам нешто ново во друго дворче, па сакам и јас да го направам и да го имам.
Совет за оние кои сакаат д апочнат да се занимаваат со огледување на цвеќе и воопшто, со градинарство?
– Пред се треба да го сакаат цвеќето, не е само да се насади и толку. Тоа сака љубов, внимание, редовно полевање…- објаснува таа и со насмевка предлага да се почне со рози. „Тие се многу полесни за одржување за почеток“.
Инаку, Дијана е членка на Фејсбук групата …ДВОРЧЕТО…, група која ви ја препорачуваме да си станете член и да се изнагледате преубави објави!
Уживајте во прекрасната фотогалерија од дворот на Дијана.
Фото – приватна архива
