Нашата поп – дива Калиопи, денес го слави својот 55 – ти роденден. По повод овој убав ден пејачката креираше кратко видео, компилација од досега невидени фотографии од семејниот албум кои пејачката ги сподели со своите фанови.
View this post on Instagram
„Да прославиме нов почеток преку моите 55 години живот. Затоа што годините се само број, а помислата за возраста е она што нè рефлектира во огледалото онака како што сакаме да се гледаме.
Како се гледам себеси? Се гледам како времето да не постои. Да се радуваме во тоа време“ – стои во описот на објавата која Букле ја сподели на својот инстаграм – профил.
View this post on Instagram
Калиопи е родена на 28 декември 1966 година во Охрид, а детството го поминала во Кичево. Татко ѝ е со влашко, а мајка ѝ со македонско потекло. Во својата татковина често е нарекувана поп – дива или кралица на македонската поп-музика. Таа е доста позната на екс-југословенските простори каде врвот на кариерата го достигна во осумдесеттите. Во Македонија важи за вонсериски уметник од светски калибар, кој покрај извонредните вокални способности во рамките на поп-музиката, изведува и компонира музика за филм, театар и балет.
View this post on Instagram
Набрзо по објавата по повод роденденот започнаа да се нижат бројни честитки од бројните фанови, колеги и соработниците на Калиопи.
View this post on Instagram
„Најсреќна да си мила Опи! Бакнежи“, напиша Каролина. „Кралица, Среќен најсреќен“, е роденденската честитка на Илина Арсова, а покрај честитките од нашите јавни личности Букле доби и бројни роденденски честитки од познати јавни личности, колеги и соработници од соседните земји.
Среќен роденден Калиопи!
