Синот на пејачот Драган Којиќ Кеба, Игор Којиќ, неодамна се појави во јавноста, по долга медиумска пауза. Тој беше фотографиран на градски настан, а набрзо почнаа и гласините за неговата нова љубов.
Имено, овие тврдења ги „подгреа“ неговиот татко Кеба кога пред медиумите изјавил дека син му е повторно вљубен.
Сега, со најновата објава на социјалната мрежа Инстаграм, Игор изгледа реши да стави крај на гласините и да потврди дека повторно е среќно заљубен. По разводот со пејачката Северина, повеќе од очигледно е дека тој е во складна врска со својата нова девојка Ана.
Тој сподели фотографија на која држи девојка за рака. Сепак, нејзиното лице не се гледа, само долги, голи нозе и ултра кратко мини здолниште. Којиќ додаде и емотикон со црвено срце, како и романтична песна, а судејќи по она што можеме да го видиме, фотографијата е направена на вечера.
Да потсетиме, Игор Којиќ во изјавата се осврна и на неговата поранешна сопруга Северина, кога откри дали е во контакт со неа, а потоа даде коментар за нејзината наводна забрана за влез во Србија.
„Се исклучив од таа приказна, на сите им посакувам сè најдобро во животот, не се слушаме. И не знам што се случува“, изјавил тој во една прилика.
