Српската фолк пејачка Светлана Цеца Ражнатовиќ вчера го прослави својот 52-ри роденден во кругот на семејството и пријателите, а нејзиниот зет Немања Гудељ јавно ѝ честиташе.
На својот профил на Инстаграм, Немања Гудељ сподели фотографија со Цеца, на која ѝ упати емотивни зборови.
– Среќен роденден на мојата најдрага тешта. Те сакам – напиша Гудељ, со што ги воодушеви своите следбеници и покажа колку е блиска неговата врска со мајката на неговата сопруга Анастасија Ражнатовиќ.
Да потсетиме, славеничката откри какви се нејзините желби за оваа година.
– Па, немам никакви нови желби. Најважно за мене е да сме сите заедно, да се сакаме, мислам на моето семејство, да се држиме заедно, да растеме заедно, да сме живи и здрави, некои лични желби да бидам здрава, силна, енергична, да бидам полна со позитивна енергија, да бидам опкружена со позитивни луѓе кои ги сакам и кои ме сакаат мене, да ми се зголемува публиката, да продолжам да имам вакви прекрасни концерти. Тоа се некои од моите желби – рекла пејачката.
