Не толку познатиот на јавноста актер, младиот (29) и згоден Дејвид Коренсвет, е одбран за улогата на следниот Супермен која несомнено ќе му донесе светска слава.
Веројатно изборот паднал токму на него поради неговата сличност со претходникот, поранешниот Супермен, одосно Кларк Кент, кој го толкуваше актерот Хенри Кавил.
Новиот филм од серијалот за суперхеројот со препознатливата црвена наметка е насловен „Супермен: Наследство“ и ја раскажува приказната за патувањето на Супермен (Коренсвет) да го усогласи своето криптонско наследство со неговото човечко воспитување како Кларк Кент од Смолвил, Канзас. Тој е олицетворение на вистината, правдата и американскиот начин на херојство. Херојот е воден од човечката добрина во свет кој го смета овој квалитет за старомоден.
Коренсвет се здоби со широко признание за неговата улога во серијата на Нетфликс „Политичарот“. Тој, исто така, неодамна глумеше во прославената инди-серија на А24, „Бисер“, но некои други позначајни улоги, барем според популарноста, не одекнаа во јавноста.
