Актерката Ева Лонгорија на социјалните мрежи сподели фотографии на кои покажа како го поминала Божиќ, а покрај семејните моменти најголемо внимание привлекоа оние каде позира во бикини.
Имено, холивудската ѕвезда, која ужива во новото поглавје од животот во Шпанија со сопругот Хозе Бастон и нивниот син Сантијаго Енрике, беше особено насмеана за време на празниците.
Овие моменти актерката ги фотографирала заедно со семејството и фотографиите ги сподели на социјалните мрежи, а бележат моменти на уживање во вкусна храна, но и поминување време со семејството.
Освен тоа, највпечатливи секако се оние во кои Лонгорија може да се види во темно сино бикини. Вниманието го украде нејзината импресивна линија, а многумина се изненадени како таа успева да изгледа толку добро на 49 години. Покрај фигурата, Ева на фотографиите позираше и без шминка, што ѝ донесе бројни комплименти.
Нејзините обожаватели беа воодушевени кога видоа дека Ева изгледа толку среќна.
