Пред пет дена, пред храмот Свети Сава, српскиот пејач Никола Роквиќ го започна својот предизвик – пешачење по патот долг 1.060 километри до манастирот Нектариј Егински во Грција. Пред да се впушти во оваа авантура, тој се поздрави со своите најблиски и се помоли за успешно патување.
Низ редовните објави на својот инстаграм-профил, Никола откри дека за неговата фондација „Семејство“ што ја основал со сопругата Бојана, се собрани четири милиони динари за помош на детската онкологија. На една од снимките тој откри дека се наоѓа на осумнаесеттиот километар од планинарењето, а досега се собрани четири милиони динари благодарение на големиот одзив на поддршката од луѓето.
– Помага Господ драги луѓе. Еве, петти ден, сега сум на осумнаесеттиот километар, денес одиме 35 километри. Само да ве информираме дека стигнавме до 4.000.000 динари. Ви благодарам од срце, одиме понатаму за детската радост. Ве бакнувам – рекол Никола во видеото што го објави.
Како што објави српски „Блиц“, сопругата на Никола открила детали за мисијата на Никола. Таа истакна дека Никола на почетокот е голем оптимист и дека засега се чувствува одлично, поминувајќи по околу 30 километри дневно. Таа изрази благодарност до сите кои ја поддржаа фондацијата и мисијата на Никола. Таа најави и дека таа и децата ќе му се придружат на Никола на пат кон Грција.
View this post on Instagram
Бојана истакна дека ова е невиден подвиг и дека не очекувале таков одѕив. Таа ја истакнала важноста на семејната поддршка и најавила дека ќе им се придружи на Никола со децата на патот кон Македонија за време на Велигден.
