Познатата српска пејачка Марија Шерифовиќ пред неколку дена го прослави 1. роденден на нејзинот син Марио.
Гордата мајка често објавува фотографии и видеа од својот син, како и смешните моменти кои успева да ги долови, па така и овој пат објави фотографии од забавата што ја приреди за оваа убава пригода.
Имено, Шерифовиќ направила интимна прослава за најтесниот круг на блиски луѓе, а на својот инстаграм-профил сподели фотографии со синот и ги воодушеви сите.+
„Малечко мое, ајде јас и ти лесно во втората година. Годината на најголемите промени е зад мене. Првенствено емотивни. Да ми кажеше некој дека може толку да се сака – ќе му кажев дека не е нормален! Семејство, кумови, пријатели, колеги – ви благодариме за честитките! Ве сакаме“, напиша Марија во описот на објавата каде позира со синот во рацете.
Марија и нејзиниот син беа исто облечени и за оваа прилика носеа зелени костуми. На многумина им се допадна и детската торта која беше украсена со цртани мотиви.
