Српската пејачка Марија Шерифовиќ доби син преку сурогат-мајка. Детето на пејачката се родило на почетокот на декември, ексклузивно дознава „Блиц“.
Пејачката на својот инстаграм-профил ја објави и првата фотографија од својот син, на кој му го даде името Марио. Покрај фотографијата таа напиша и посвета која ги трогна нејзините следбеници, колеги и пријатели.
View this post on Instagram
„Љубовта дојде. Небото го осветли најубавата ѕвезда во мојот живот. Се роди Марио. Нека те води животот по најубавите патишта синко, а јас ќе те штитам со мојата љубов од тага и од луѓето. Благодарам на секој што праќа љубов и нека биде тивко и топло сè што доаѓа од вас до него. Ве сакам сите М&М“, напиша пејачката.
Како што пренесува „Блиц“ момчето се родило на почетокот на декември со помош на сурогат-мајка. Доаѓањето на детето, Марија го чувала во строга тајна, а за сè биле информирани само најблиските.
