Ана Марија Таневска штотуку се врати од годишниот одмор поминат во Албанија и во Охрид, па нè почести со фотографија на која позира покрај базен во блескав дводелен костим за капење во сребрена нијанса.
Поранешната моделка денес е сосема посветена на семејниот бизнис. Поточно оваа убавица работи со продажба на резревни делови за мотори и сервисирање на мотори. Па оттука не нè чуди што нејзина страст се токму моторите, и тоа оние – бесните.
– Страста кон моторите ми е од најрана возраст. На шест години прв пат се качив на мотор и тоа на „aprilia sr50“, можеби звучи неверојатно и смешно, но вистинито е што едвај допирав со нозете на асфалтот. На само 10 години учествував на патеката во Кичево во категорија до 80 cc, следеа и други трки каде што бев единствена девојка. Досега имам сменето 12 мотори, а сега го возам мојот нов ѕвер, ни рече таа.
