Македонскиот пејач Дарко Илиевски и неговата сопруга Ивана деновиве имаа повеќе убави поводи за славење. Нивниот син Матео го прослави седмиот роденден, а семејството ја организираше и крштевката на ќеркичката Ана.
Пејачот и неговата сопруга, кои со своите деца живеат во Флорида, споделија фотографии од семејните прослави на социјалните мрежи.
„Колку посебен ден. Крштевката на Ана“, напиша Ивана покрај фотографиите на кои нивната ќеркичка е облечена во прекрасно бело фустанче.
View this post on Instagram
Семејството позираше за заеднички фотографии во црквата, но и во ресторанот каде што се одржа прославата по повод крштевката.
Матео, пак, својот седми роденден го прослави во друштво на другарчињата, а посебно изненадување за славеникот беше појавувањето на Спајдермен.
„Седмиот роденден на Матео. Те сакаме многу, Матео“, напиша Илиевски покрај фотографиите од роденденската прослава.
View this post on Instagram
Инаку, Дарко и Ивана се во брак од 2016 година, а пред само четири дена ја прославија и десетгодишнината од венчавката.
