Лидија Оцокољиќ, сестрата на српската пејачка Светлана Цеца Ражнатовиќ, вчера го прослави роденденот, а по тој повод беше организирана мала семејна веселба. Бидејќи не пропушта ниту еден важен настан на членовите на своето семејство, синот на Цеца, Вељко Ражнатовиќ од Тител допатува во Белград и тоа со огромен букет цвеќе. Роденденот на Лидија Оцокољиќ беше причина, меѓу другото, Вељко да ја покаже својата емотивна страна.
Имено, тој на својот инстаграм-профил објави фотографија од својата тетка и подарокот што ѝ го купил, со зборовите:
– Среќен 23-ти роденден на мојата втора мајка – кој истовремено се пошегувал за годините на тетка му Лидија.
А, покрај тоа, Вељко напишал и:
– Што зеде ти, голема главо – се обратил Вељко шеговито на најстариот син на Лидија, Виктор.
Вељко никогаш не криел колку е приврзан за својата тетка, а колку љубов чувствува кон неа покажа и кога го истетовира нејзиното име. Лидија, како што призна Цеца, целиот свој живот го подредила на неа и на нејзините деца, а пејачката ѝ е исклучително благодарна за тоа, а очигледно и нејзините деца.
Меѓутоа, роденденот на Лидија не е единствениот повод за прослава во домот Ражнатовиќ. Имено, Цеца вчера добила известување дека нејзините песни се слушаат во дури 172 земји, а потоа тоа и го објавила на социјалните мрежи каде им се заблагодарила на сите кои уживаат во нејзината музика.
– Добри вести за крајот на неделата. Ви благодарам многу, ви благодарам најмногу, ви благодарам од сè срце – напиша Цеца.
