Саудискиот престолонаследник Мохамед бин Салман и Џо Бајден се поздравија со тупаници при пристигнувањето на американскиот претседател во кралската палата во Џеда. Краткиот состанок, снимен на саудиската телевизија, се случи кога Бајден излезе од својата претседателска лимузина. Се очекува Бајден да се сретне со кралот Салман, таткото на престолонаследникот, пред да присуствува на поголем состанок со принцот Мохамед и други советници.
Принцот Мохамед бин Салман беше обвинет од американското разузнавање дека го наредил убиството на новинарот на Вашингтон пост Џамал Кашоги. Затоа брзо пристигнаа критики дома и во странство за оваа средба.
Biden fist bumps Saudi crown prince on trip that seeks to reset ties https://t.co/dLwVAcso1A pic.twitter.com/celmxp6IAM
— Reuters (@Reuters) July 15, 2022
Џо Бајден денеска стана првиот актуелен претседател на САД кој полета директно од Израел во Саудиска Арабија – патување што Белата куќа го нарече историско. На летот на Бајден му претходеше вест дека Саудиска Арабија ќе го отвори својот воздушен простор за авиокомпании, комерцијални и патнички, кои летаат до и од Израел. Одлуката би можела да отвори директни летови од Израел до Саудиска Арабија за муслиманите кои одат на аџилак во Мека. Бајден ја поздрави одлуката на саудиското кралство. „Тоа може да помогне да се изгради моментум кон понатамошна интеграција на Израел во регионот, вклучително и со Саудиска Арабија“, рече претседателот.
