Брачната двојка, поранешната српска тенисерка Ана Ивановиќ и поранешниот германски фудбалер Бастијан Швајнштајгер непосредно пред прославата на римокатоличкиот Божиќ и Нова година престојувале во Рованиеми, родното место на Дедо Мраз.
View this post on Instagram
Главниот град на провинцијата Лапонија на северот на Финска им обезбедил одличен терен за забава во текот на кој имале време да ги посетат сите важни точки на неговата туристичка карта.
По тој повод, брачниот пар престојувал во еден од најлуксузните хотели во овој град. На располагање имале цела вила од 160 метри квадратни со четири спални соби, огромна дневна соба и две бањи. Ана и Бастијан не штеделе пари за овој краток одмор, па платиле неверојатни 4.800 евра колку што во моментот чини престојот во овој хотел со вклучен појадок и вечера во цената.
Покрај посетата на официјалниот дом на Дедо Мраз, Ана и Бастијан, инаку родители на три момчиња, своето внимание го насочиле и кон познатиот божиќен пазар, каде трговците нудат новогодишни додатоци со највисок квалитет. На предбожиќното патување во Арктичкиот круг, Ана хранела лососи, го посетила музејот и научниот центар Арктикум и се фотографирала покрај модел на поларна мечка во природна големина.
View this post on Instagram
Студот не ја попречил желбата на Ана да се вози на санки влечени од кучиња. И нејзиниот сопруг, пензионираниот германски фудбалски ас, го доживеал истото искуство. На температура која овие денови се спуштила до минус 15 степени Целзиусови, брачната двојка поминала триесетина минути покрај поларниот логорски оган, покрај кој добро се забавувале и собрале сили да се вратат со санките во центарот на градот Рованиеми.
Ана и Бастијан, да потсетиме, слават два празника Божиќ, римокатоличкиот Божиќ на 25 декември и православниот Божиќ на 7 јануари, убедени дека овој факт е предност на нивното семејство.
