Паниката поради коронавирусот кој зафати многу земји во светот, доведе до тоа луѓето буквално да ги пустошат продавниците. Стравувајќи од неизвесноста, тие купуваат неброени намирници, а рафтовите зад себе ги оставаат буквално празни.
Пејачката Емина Јаховиќ е една од многуте личности кои јавно изразија загриженост поради ширењето на вирусот, но таа е и многу разочарана од неодговорното однесување на многумина во овој случај.
Имено, откако таа неколку дена ги поминала во домашен карантин во Турција, одлучила да оди до најблискиот супермаркет, со цел да ги набави потребните намирници.
Кога влегла во продавницата ја дочекала оваа глетка, па видно револтирана фотографијата ја споделила со своите фанови, а на неа упатила и остро прашање – Дали сте сериозни?
