– Продолжуваат ЕКСТРЕМНО ВИСОКИТЕ температури на воздухот, и тоа поради влијанието на ЕКСТРЕМНО ТОПЛАТА воздушна маса од Африка. Времето и во следните денови во Македонија ќе биде стабилно, суво и сончево со мала до умерена локална облачност. Ќе дува слаб до умерен ветер од променлив правец а температурите ќе се искачуваат во интервалот од 33 до 40 степени. Исклучок ќе биде среда и четврток, кога во попладневните и вечерните часови на повеќе места ќе биде нестабилно со пороен дожд, грмежи, засилен ветер и услови за локална појава на НЕВРЕМЕ.
Ув – индексот и понатаму ќе има ЕКСТРЕМНО ВИСОКА вредност и ќе изнесува коефициент 10, па затоа на граѓаните им советуваме да се заштитуваат од лошото влијание на сонцето, но и да пијат што повеќе течности. Во Скопје и околината времето ќе се задржи стабилно, суво и сончево со мала локална облачност. Поголеми услови за нестабилност ќе има во среда и четврток и тоа во попладневните и во вечерните часови. Температурите ќе се искачуваат до близу 40 степени – вели метеопрогнозерот Славчо Попоски.
