Вчера одекнаа низ регионалните медиуми зборовите на пејачката Јелена Карлеуша, која во интервју за „Стори“ нагласи дека нејизниот сега поранешен партнер Душко Тошиќ е „нејзина грешка во животот”.
Меѓу низата критики, беше и онаа дека го „жали Дуле бидејќи е беден, затоа што пак се понижува“, но и дека тој се обидел да ѝ го загорчи животот, дека нејзиниот поранешен партнер се трудел максимално да ѝ ја отежне секоја секунда од животот и да покаже каква грешка направила во животот.
Не требаше долго да чекаме за реакцијата на Душко Тошиќ за зборовите кои Јелена Карлеуша ги кажа во интервјуто за „Стори“. Поранешниот фудбалер се огласи на Инстаграм.
Тој ги цитираше зборовите на Иво Андриќ, а јасно е на кого се однесуваат.
„Беден е оној што треба да понижи некого за да се издигне себеси“ – напиша Тошиќ.
Душко и Јелена во бракот имаат две ќерки – Атина и Ника.
