Легендарниот музичар Џони Штулиќ на својот канал на Јутјуб, на кој се потпишува како Петровиќ Петар, објави снимка под наслов „Азрино сунчано дно“, на која можете да преслушате повеќе од два часа живи свирки од неговиот бенд „Азра“.
Станува збор за збирка од 50 песни, со одбрани композиции од првите сингл плочи и албумите „Азра“, „Сунчане стране улице“ и „Равно до дна“.
Исто така, видео-материјалот вклучува и бонус од досега необјавени концертни снимки.
За потсетување, првиот албум на „Азра“ е објавен во 1980 година и важи за еден од највлијателните деби албуми во историјата на југословенскиот рок.
Со „Азра“, Џони Штулиќ за само осум години сними дури 11 албуми.
Во продолжение слушнете како звучи „Азрино сунчано дно“:
