Џо Бајден ја објави смртта на лидерот на Ал Каеда, Ајман ал Завахири, убиен во саботата вечерта во Авганистан.
„Во саботата, по мој налог, Соединетите држави успешно извршија воздушен напад врз Кабул, Авганистан, при што беше убиен емирот на Ал Каеда, Ајман ал-Завахири“, рече американскиот претседател, говорејќи од Белата куќа. „Правдата е направена. Без разлика колку време е потребно, или каде се криете, ако сте закана, САД ќе ве најдат“, додаде американскиот претседател. „Мојата надеж е дека оваа акција“ ќе им овозможи на семејствата на жртвите од септември 11 да ја „свртат страницата“. Операцијата беше „тотален успех“, продолжи Бајден, велејќи дека тоа е прецизна операција. „Неговото семејство е неповредено, нема цивилни жртви“, рече Бајден, пренесува раињуз.
Планирањето за операцијата што доведе до убиство на лидерот на Ал Каеда започна пред шест месеци, но се забрза во последните два месеци. Претседателот Џо Бајден рече дека дал зелено светло за операцијата пред една недела и „само откако се уверивме дека ќе ги минимизираме несаканите ефекти“.
„Го убивме ал-Завахири додека беше на балконот. Неговото семејство беше во други делови на куќата и остана неповредено, нема други луѓе убиени во рацијата“, изјави претставник на Белата куќа.
