Една од најпопуларните пејачки од Босна и Херцеговина, Џејла Рамовиќ, е жртва на измамници, а во оваа прилика таа даде итно соопштение преку социјалните мрежи.
Имено, Џејла истакна на својот инстаграм-профил дека некој го користел нејзиниот идентитет за кампања.
– Сакам да ја известам јавноста дека рекламата во која се користат моето име, презиме, лик и глас е лажна и дека јас не сум поврзана со неа на никаков начин! Во таа реклама, мојот идентитет е користен без моја дозвола, а гласот што се користи е генериран со помош на вештачка интелигенција (ВИ), исто така без мое знаење и согласност. Јас не учествував во таа кампања, ниту пак имам никаква врска со производот или услугата што се промовира на тој начин – рече Џејла.
На крајот, таа ги замоли своите следбеници и јавноста да го пријават контроверзниот профил и да ги споделат информациите со цел да се спречи понатамошното ширење на дезинформации.
– Ова е сериозна злоупотреба на мојот идентитет и ќе преземам сите потребни законски чекори за да ги заштитам моите права. Ве молам пријавете го овој профил и споделете ги информациите за да се спречи понатамошното ширење на дезинформации.
