Српската фолк ѕвезда Светлана Цеца Ражнатовиќ наводно ја реновира својата луксузна вила во Аја Напа на Кипар и прави луксузен спа центар. На последниот кат ќе бидат сместени помал базен, две џакузи и соба за масажа.
Како што пренесуваат српските медиуми, Цеца наводно вложила многу пари за нејзината вила од 400 метри квадратни да биде вистински мал рај.
Сепак, решила да го остави базенот во дворот.
View this post on Instagram
– Огромен е и целото семејство може да плива во него. Вељко и Анастасија обожаваат да се капат и да се сончаат овде, а откако Цеца го доби внукот Жељко, најмногу се дружи со него во базенот. Сепак, бидејќи дворот е простран, таа ќе додаде уште едно џакузи покрај базенот – открива изворот за српските медиуми.
– На приземјето ќе има огромна дневна соба со камин, бидејќи Цеца сака да ја посетува куќата и во зима, а не само во текот на летото, како досега. На катот секоја спална соба ќе има своја бања по реновирањето. Вилата ќе има и вграден лифт – вели извор за Информер и додава дека Ражнатовиќ е целосно посветена на уредувањето на величествената вила.
– Цеца не сака ништо да препушти на случајноста. Веќе со недели прелистува каталози и избира плочки, паркет, столарија, ексклузивен мебел… Сето тоа ќе има време да го купи до крајот на летото, бидејќи работите ќе почнат наесен. Дотогаш ќе добие уште некои градежни дозволи кои и се потребни.
Наводно Цеца ја ангажирала компанијата на нејзината кума и колешка Вики Миљковиќ да ја реновира вилата на Кипар. Целиот концепт двете го смислиле заедно, а во се им помогнала и сестрата на Цеца, Лидија Оцокољиќ.
