Денешениот ден, 29 април, низ музичката историја го одбележаа неколку настани за кои подетално можете да прочитате во продолжение.
1899 година – Роден е Дјук Елингтон, еден од највлијателните светски џез композитори и пијанисти.
1963 година – на „Rolling stones“ им се доделени 90 фунти за правата над првите снимки. Менаџерот на Стонси, Ендрју Олдхам и агентот Ерик Истон потпишаа договор со групата со кој ги откупија од бендот сите права за првите снимки во износ од 90 фунти.
1967 година – Арета Френклин на сингл го ојбави најголемиот хит во кариерата, песната „Respect“, од албумот „I never loved a man the way i love you“, кој се смета за еден од најдобрите изданија во популарната музика.
1978 година – Словенската џез-рок група „Септембер на Флориди“ заврши со снимање на албумот „Домовино моја“, кој издавачката куќа РТВ Љубљана го објави дури кон почетокот на следната година.
1980 година – Јужноафриканската влада го забрани емитувањето на песната на „Pink Floyd“, популарната „Another brick in the wall“, откако Јужноафриканските ученици ја прифатија како своја химна и знак на протест против подредената положба во образованието.
1987 година – Македонската поп-рок група Калиопи во Загреб заврши со снимањето на својот втор албум, кој кон почетокот на наредната година излезе под називот „Роџени“. Насловната песна на изданието, баладата „Роџени“, позната и под името „Бато“, стана и еден од хитовите на годината во земјата и најславна песна во кариерата на групата, која набргу потоа се распадна.
1993 година – Почина Мик Ронсон (46), англиски гитарист, продуцент, композитор, аранжер и мултиинструменталист.
