Семејството на трагично загинатата српска пејачка Андријана Лазиќ, која падна од 24. кат во зграда во Дубаи, има шифри од нејзините профили на социјалните мрежи, а сега добиле нови фотографии преку Инстаграм, непосредно пред таа да падне од облакодерот!
Како што дознава српска „Република“, таткото Небојша Лазиќ видел дека Андријана на Инстаграм ја контактирало момче со кое таа се запознала ноќта кога била излезена со другарките, вечерта пред да се случи трагедијата, па тоа момче ѝ испратило фотографии направени таа вечер, што особено го разнежнило семејството.
– Тоа момче ја пронашло Андријана на Инстаграм, па ѝ испратило фотографии од забавата. Ова е истото момче кое во пораките прашуваше како е и што прави, така што тоа сè уште не знае што се случило со неа. Момчето ѝ испратило две фотографии, а на нив, како што велат, се гледа дека Андријана е необично расположена, не претерано среќна. Секој детаљ е важен, бидејќи таткото на Андријана, Небојша, нема да застане додека не дознае сè за тоа што се случило таму, а до денес му беа ускратени многу информации – рекол за српска „Република“ извор близок до семејството Лазиќ.
