Пред најавениот концерт на Рамбо Амадеус во Комбанк арената во Белград на 26.декември (концертот ќе се емитува и онлајн), музичарот ја објави новата песна проследена со видео спот, а во соработка со Уницеф Црна Гора.
Музиката и текстот се на Антоније Пушиќ, односно на Рамбо Амадеус.
Песната зборува за важноста на природните и општествените науки за човековиот развој од праисторијата до денес и потсетува дека луѓето можат да сонуваат, да погодуваат, да игнорираат факти, да се сомневаат, измислуваат и веруваат во што сакаат, но дека само научен метод може да докаже што е вистина. „Потпрете се на науката“, порачува песната.
