СОНЧЕВО УТРО ВО ЛИСИЧЕ ВО СОНЧЕВИОТ ДВОР НА МАЈА: Kоцка квасец во литар ипол млака вода и кафена лажичка шеќер за бујни убавици!

од Ј.К.Д11:30 - 12 октомври, 202112:27 - 12 октомври, 2021

Денес сме во населба Лисиче, на гости кај Маја Стефаноска, на утринско кафе со поглед на нејзиниот преубав двор.

Маја е наша колешка, вработена во редакцијата на Слободен печат, па добро си ги познаваме нејзините доблести – секогаш вредна, ведра и посветена на секоја работа што ќе ја фати. Така е и со работата за нејзиниот двор.

Со одгледување на цвеќиња Маја се занимава веќе подлг период, околу 25 години. За дворот пак, се грижи многу посветено самата таа.

– Дворот не е многу голем па затоа повеќето од цвеќињата ги садам во саксии, ни објаснува Маичка и додава:

Сепак, неа лично најмногу ѝ се допаѓа висечкиот прскос и кампанолата.

Во текот на студените денови, повеќегодишните цвеќиња како што се сарделите, леандрите и многу други, Маја ги внесува на потопло место, во домот, за да не замрзнат.

Стигнуваме до важното прашање – совет што би го дала таа на оние кои сакаат да почнат со одглеување на цвеќе.

– Мојот совет за одгледување на цвеќе е секој кој сака да си засади цвеќиња нека не размислува зашто цвеќето бара многу љубов, а и со љубов враќа! Почетниците, можат да започнат со одгледување на кампанола и висечки пркос, лесно се одгледуваат, се наводнуваат по потреба во зависност од тоа колку има влажност во саксијата и се дохрануваат еднаш неделно. Јас ја користам прихраната Валентино, а понекогаш растворам една коцка квасец во литар ипол млака вода и кафена лажичка шеќер да отстои додека се растопи квасецот. Откако ќе отстои околу 3 часа, потоа на секое цвеќе од смесата се дотура кај коренот, а резултатите се видливи. Верувајте со ваква дохрана цвеќињата цветаат побујни, ни објаснува Маја.

Инаку, Маја Стефаноска е членка на Фејсбук групата …ДВОРЧЕТО…, група која ви ја препорачуваме да си станете член и да се изнагледате преубави објави!