– Во остатокот од овој викенд, како и во почетокот од следната недела ќе се задржи променливо облачно време со сончеви периоди. Локално ќе има и позначителна облачност, а особено утре попладне ќе има услови за слаб локален дожд, особено во западните предели. Ќе дува слаб до умерен ветер од источен и од југоисточен правец, додека максималните температури ќе се искачуваат во интервалот од 11 до 16 степени, известува нашиот метео прогнозер Славчо Попоски.
Во Скопскиот регион во следниот период ќе се задржи променливо облачно време со сончеви периоди. Повремено ќе има позначителна облачност, а ќе дува и слаб до умерен ветер од југоисточен правец. Максималните температури ќе се искачуваат во интервалот помеѓу 14 и 15 степени.
