Метео прогнозерот Славчо Попоски најавува нова нагла промена на времето.
ОД СРЕДА ПОПЛАДНЕ И НАВЕЧЕР ДОАЃА ПЕРИОД НА ЧЕСТИ ВРНЕЖИ, ТЕМПЕРАТУРИТЕ ВО ПАД!, најавува Попоски.
– Убавото време нема да се задржи предолго. Веќе од среда попладне и навечер и тоа под влијание на нов влажен воздушен бран од запад, следуваат нови врнежи од дожд во Македонија а температурите на воздухот ќе бележат тенденција на опаѓање. Локално врнежите ќе бидат ПОИНТЕНЗИВНИ и се очекува да наврне ПОЗНАЧИТЕЛНО количество на воден талог. До вторник температурите преку ден ќе бидат РЕЛАТИВНО ВИСОКИ и ќе се искачуваат во интервалот од 19 до 25 степени, додека од среда ќе бележат тенденција на пад и ќе се искачуваат во интервалот од 15 до 21 степен, најавува метео прогнозерот.
Според Попоски промената на времето и тоа особено долж Повардарието ќе биде проследена со умерен, повремено засилен ветер од југоисточен правец.
– И во скопскиот регион, од среда навечер па натаму следува промена на времето и повремени врнежи од дожд. Температурите до вторник ќе се искачуваат до околу 23 степени, додека од среда ќе бележат тенденција на пад и ќе се искачуваат до околу 20 степени. И во Скопје промената на времето ќе биде проследена со југоисточен ветер кој ќе засилува на интензитет, објаснува Попоски.
