– Како што претходно кажавме, во останатиот дел од викендов ќе имаме пооблачно време со услови за сосема слаб локален и краткотраен дожд. Температурите ќе бидат во пораст и ќе се искачуваат во интервалот од 9 до 16 степени. Во Скопскиот регион ќе имаме пооблачно време во останатиот дел од викендов, додека температурите ќе се искачуваат во интервалот од 11 до 15 степени, вели нашиот метео прогнозер Славчо Попоски.
Според Попоски, потоа, од понеделник па натаму, ќе имаме повеќе сончеви периоди а ќе биде и уште потопло, и тоа под влијание на уште потопла воздушна маса од југ.
– Само уште во понеделник ќе има услови за локален краткотраен дожд. Температурите ќе бележат тенденција на понатамошен пораст и ќе се искачуваат во интервалот од 12 до 18 степени, додека во најтоплите предели истите има услови да се искачат до околу 20 степени, прецизен е Попоски.
ЗАКЛУЧОК НА СЕТО ОВА : Со оглед на тоа дека ќе имаме сè уште потопли и убави денови, граѓаните слободно можат да ги искористат за прошетка во природа, или пак за правење на зимница.
