– Уште оваа ноќ, како и утре претпладне ќе има повремен локален дожд, додека од утре попладне ќе настапи постепена стабилизација на времето. Сепак, за време на овој викенд ќе имаме пооблачно време, додека температурите на воздухот ќе бележат тенденција на пораст и максималните дневни ќе се искачуваат во интервалот од 8 до 16 степени, вели метео прогнозерот Славчо Попоски.
И во Скопскиот регион за време на овој викенд ќе имаме пооблачно време, ќе има услови и за локален краткотраен дожд, особено утре претпладне.
Според Попоски температурите ќе се искачуваат во интервалот од 11 до 14 степени. Потоа во текот на следната седмица ќе имаме повеќе сончеви периоди, а под влијание на уште потопла воздушна маса од југ температурите ќе бележат тенденција на уште поголем пораст, и максималните дневни температури ќе се искачуваат во интервалот од 12 до 19 степени, додека минималните, исто така ќе останат не многу ниски и ќе се искачуваат во интервалот од 4 до 11 степени. Исклучок ќе биде понеделник, кога ќе има услови за сосема краткотраен локален дожд, заклучува Попоски.
